Përkthime dhe shqipërime nga Sinan Vaka (Antologjia e Poezisë Italiane)

Përkthime dhe shqipërime nga Sinan Vaka (Antologjia e Poezisë Italiane)



Xhakomo Leopardi
(1798-1837 )

Imitim

Larg gëmushës tënde
ku shkon moj gjethe e brishtë ?
Nga dega e një ferre
më ndau era e trishtë...

Ajo me shtjellë tek kthehej
prej pyllit për nga fusha,
me dhelë më rrëmbeu
nga faqet dhe nga gusha.

Shkoj ku shkojnë të tjerat
pas bukurisë dhe stimes,
si lulja e trëndafilit
dhe gjethja e dafinës.




Xhovani Paskoli
(1855-1912)

Ditar Vjeshtor

Çfarë bëjnë atje mbi prag te shtëpisë
lulet tona zambakët që s'qeshin...?

Kokëulur,pa shpresë,me trishtimin e trishtë,
duke qarë vyshkin gjethet dhe heshtin.

Këtë vit ti nuk je prandaj lotët
parandjejnë edhe motin që zbehet ;

nuk ka kthim - dang e ding ! - kambanorja,
veç kurrillat : - po,po, do te kthehet.




Xhuzepe Hungareti
(1888 - 1970 )


Këngë beduine

Një grua çohet dhe këndon
era e ndjek, e mrekullon ,
e shtrin përtokë gje më s'ndjen
ëndrra e bukur e rrëmben.

Kjo tokë është lakuriqe,
kjo grua është bullafiqe,
kjo erë than me suferinë
ëndrra dhe vdekja pranë rrinë.



Eugjenio Montale
( 1896 -1981 )
Cmimi NOBEL 1975

* * *

Shpresa për të të parë
më braktiste ;

dhe pyeta se kjo që mbyll
çdo sens për ty, ekranin e fikur,
ka shenjat e vdekjes apo të së kaluarës ?
Brenda saj, e shprishur dhe kalimtare
çdo drita jote qe nxirë.

( Në Modena, midis portikëve,
një shërbëtor tërhiqte me ngut,
dy çakej të lidhur në zinxhirë. )