Kalendari poetik: Maram Al Masri, 2 gusht 1962 / Përgatiti materialin Maksim Rakipaj

Maram Al Masri

Kalendari poetik: Maram Al Masri, 2 gusht 1962

   U lind në Siri, në qytetin bregdetar Lattakia, poetja siriano-franceze. Kundërshtare e regjimit të diktatorit Assad, në moshën 20 vjeçare u shtërngua të largohet nga vendi me bashkëshortin dhe djalin e tyre të mitur. Pas dështimit të martesës, bashkëshorti mori djalin dhe u kthye në Siri dhe Maram vetëm pas 13 vitesh mundi ta shihte sërish birin e saj. Janë të shumta rastet e persekutimeve dhe kërcënimeve me vdekje që ka marë nga regjimi kriminal i Assad-it. Megjithëse ka mbi tridhjetë vite e larguar, ajo kurrë s'i ka shkëputur lidhjet me atdheun e saj. Maram nuk është vetëm poete, kritike dhe shkrimtare; Maram Al-Masri është edhe institucion i lirisë për popullin e saj, Sirinë e saj të përgjakur. Poezitë e saj janë përkthyer në shumë gjuhë evropiane, aziatike etj. Në vitin 2020 shtëpia botuese "Jozef", në Durrës, botoi një përmbledhje të poezive të Saj me shqipërimin tim.
  Sjell sot këtë poezi  në nderim të Saj bashkë me urimin tim dhe të miqve të mi:
  Joyeux anniversaire Maram cherie!


NJË NËNË SIRIANE

Nga dritarja vështron
dhe do të donte të kishte krahë aq të gjatë
gjithë botën të përqafonte
nga Veriu në Jug
nga Lindja në Perëndim
si nënë e dhëmbshur.

Dhe duar të mëdha të ketë
dhe flokët t'ia ledhatojë.

Dua një poezi që
dhimbjen t'ia lehtësoj.

Asaj që veten
e saj ka falur
asaj që qan
që buzëqesh
që ngashëren me ta
asaj
nënës së gjithë fëmijëve
motrës së të gjitha grave
asaj
së bukurës në thjeshtësinë e saj.




shqipëroi Maksim Rakipaj