Cikël poezish nga Albana Subashi

Cikël poezish nga  Albana Subashi



Flirt qiellor...

Qielli kollitet me ofshama bubullimash
si nje sfinks i ndërkryer ndjenjash
..retë.....si shtatzëna ndrojtur
lëvizin përtueshëm e verbërisht
përplasin njëra-tjetrën sfidueshëm....

Një shigjetë e zjarrtë,vërtik
penetron epshëm e thellë
retë në ekstazë qanë përmallueshëm.....

Kulloi i pastër..kristalshëm...rrëmbyeshëm
ky burim mëkatesh.ngjizur....
qiejve të ndezur prush nga flirti..!




Asaj

Syri yt...si pellg-në muzg
pikuar
vetulla jote shigjetë harkut
tendosur
më cmende moj-nga Zoti
hir bekuar
dije...shumë të dua-pas teje
marrosur
Hënës marrë nurin-natës
Perëndeshë
diellit shkeëqimin -vjedhur ia ke
ti rrezaton
pranverën zili bëre-të bukurën
mikeshë
dimri me ty s'ndihet-mjaltë
pikon..!





Rrëfim shpirti

Sonte ndihem trup e shpirt pluhurosur
si ato gazetat e javës së shkuar.....
që rafteve flenë me gërma ngurosur
pa pasur kënaqësinë e të qënit lexuar.

Rrekem të shkund shpirtin fort...
mbytur e mpakur nga pluhuri i harresës
cdo shqisë e imja është ne revolteë..
kërkon shpagim........eliksirin e jetës..!




Tablo shpirti

Penelin ngjyej në të murrmen e muzgut
tablosë së ditës dorën e fundit t'i jap
por në të kuqe shkoi dora,në të purpurt
cuditërisht ...besnike e saj jam...!

Nesër do teëzgjohem me vesën e mëngjesit
jo rastësisht rene mbi qepallat e mia
mbyllur do me gjejë sytë rrezja e agimit
do vijë ajo të m'i hape......dashuria!




Ditë-nata

Mbrëmja erdhi cartur e flakëruar qiellit
ndërkryer e djersitur si pelë e hazdisur
lamtumirën e fundit i dha ditës e diellit
freskuar në muzg nga hëna dalldisur..!

Ketë mëngjes ndjeva mall të prushëzuar
mbrëmë në ëndërr u takuam rastësisht
por mëngjesi shpejt pati aguar.......
me shijen tënde në buzë natyrisht..!